As Tecnoloxías Fotónicas son clave en Gradiant para habilitar as comunicacións de próxima xeración, os sistemas cuánticos e as plataformas avanzadas de sensado. Desenvolvemos circuítos fotónicos integrados que abordan retos críticos como a eficiencia espectral e a integridade do sinal.
Unha innovación destacada é o deseño de circuítos fotónicos para a cancelación analóxica de autointerferencias en sistemas STAR. Estas permiten a transmisión e recepción simultáneas no mesmo canal de frecuencia, o que mellora o aproveitamento do ancho de banda. Tamén lideramos o desenvolvemento de arquitecturas compactas para sensores cuánticos baseados en centros NV, capaces de operar nun amplo rango de frecuencias (desde DC ata decenas de THz).
O noso enfoque é altamente multidisciplinar e combinamos a nosa experiencia en fotónica, física cuántica, microelectrónica e software embebido. Estas tecnoloxías desempeñan un papel crucial no fortalecemento da soberanía dixital europea e no liderado no ecosistema global de fotónica e cuántica.
Deseñamos e desenvolvemos circuítos fotónicos integrados que permiten avanzar cara sistemas de comunicación máis eficientes, compactos e escalables. Estas plataformas ofrecen solucións a retos como a eficiencia espectral, a reducción de latencia e a integridade do sinal, factores críticos no despregue de redes de próxima xeración e en aplicacións cuánticas.
Unha das nosas liñas de innovación máis destacadas é a cancelación analóxica de autointerferencias en... Seguir leyendo
O procesamento de sinal fotónico converteuse nunha alternativa esencial fronte ás limitacións da electrónica tradicional en termos de velocidade, eficiencia enerxética e capacidade de integración. En Gradiant investigamos como aproveitar a luz para realizar funcións de filtrado, multiplexado e manipulación de sinais cunha precisión moi superior á que ofrecen os sistemas convencionais.
Estas capacidades son especialmente relevantes en telecomunicacións avanzadas, plataformas cuánticas e sistemas de... Seguir leyendo
